ഖ്വാജാ തങ്ങൾ ഇന്ത്യയുടെ മതേതരത്വത്തിന് വേണ്ടി ശക്തമായി നിലകൊണ്ട വ്യക്തിത്വം; ഡോ സയ്യിദ് അബ്ദുസ്സബൂർ ബാഹസ്സൻ അവേലം
പൂനൂർ | സുൽത്താനുൽ ഹിന്ദ് ഖ്വാജാ മുഈനുദ്ദീൻ ചിഷ്തി രാജ്യത്തിന്റെ മതേതരത്വത്തിനും സൗഹൃദാന്തരീക്ഷത്തിനും തുല്യതയില്ലാത്ത സംഭാവനകൾ നൽകിയ മഹത് വ്യക്തിയാണെന്ന് ഡോ സയ്യിദ് അബ്ദുസ്സബൂർ ബാഹസ്സൻ. മർകസ് ഗാർഡൻ ഉർസേ അജ്മീർ സ്വാഗതസംഘ രൂപീകരണ കൺവെൻഷനിൽ ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം. ഗരീബ് നവാസെന്നും അത്തായെ റസൂലെന്നും അറിയപ്പെട്ടിരുന്ന അദ്ദേഹം പാവങ്ങളുടെ അത്താണിയും മതസൗഹാർദ്ദത്തിനുവേണ്ടി ശക്തമായി നിലകൊണ്ട വക്താവുമായിരുന്നുവെന്നും ഇന്ത്യൻ മുസ്ലിംകളെ ആത്മീയ മുന്നേറ്റത്തിൽ ഖാജാ തങ്ങളുടെ പങ്ക് അവിസ്മരണീയമാണെന്നും അദ്ദേഹം കൂട്ടിച്ചേർത്തു. ചടങ്ങിൽ സയ്യിദ് അബ്ദുൽ ഫത്താഹ് അഹ്ദൽ അധ്യക്ഷത വഹിച്ചു.
