സയൻസ് ഓർബിറ്റ്; “ഇമ്പൾസ് വാക്ക്” തർബിയത്ത് സയൻസ് ക്യാമ്പസ് തുടക്കമായി

കൊടിയത്തൂർ : ജാമിഅ മദീനത്തുന്നൂർ ഡിപ്പാർട്മെന്റ് ഓഫ് സയൻസ് ആൻഡ് ടെക്നോളജിയുടെ ആഭിമുഖ്യത്തിൽ ഡിസംബർ അവസാന വാരം നടക്കുന്ന Acrast -23 അക്കാഡമിക് കോൺഫറൻസന്റെ ഭാഗമായി Impulse Walk ന് കൊടിയത്തൂർ തർബിയത്ത് സയൻസ് ക്യാമ്പസ് തുടക്കം കുറിച്ചു. സയൻസ് ഓർബിറ്റ് അംഗങ്ങളുടെ നേതൃത്വത്തിൽ ഇന്ത്യയിലെ വ്യത്യസ്ഥ ക്യാമ്പസുകളെയും പ്രമുഖ വ്യക്തികളെയും കേന്ദ്രീകരിച്ചാണ് Impulse Walk സംഘടിപ്പിക്കുന്നത്. കോൺഫറൻസ് തീമായ Innovation In Science and Technology for Sustainable Development ന്റെ ആവശ്യകതയും സാധ്യതയും പൊതുസമൂഹത്തിലേക്കെത്തിക്കുക എന്ന ലക്ഷ്യത്തിലാണ് സംഘടിപ്പിക്കുന്നത്.സമസ്ത കേരള ജംഇയ്യത്തുൽ ഉലമ വൈസ് പ്രസിഡണ്ട് സിറാജുൽ ഉലമ ഹൈദ്രോസ് മുസ്ലിയാർ ഉദ്ഘാടനം നിർവഹിച്ചു.കോൺഫറൻസിനോടനുബന്ധിച്ച് സയൻസ് എക്സ്പോ, അക്കാഡമിക് ടോക്കുകൾ, വർക്ഷോപ്പുകൾ, സെമിനാറുകൾ, ഡിബൈറ്റുകൾ എന്നിവ സംഘടിപ്പിക്കും. ഡിസംബർ 24 ന് നരിക്കുനി ബൈത്തുൽ ഇസ്സയിൽ വെച്ചാണ് കോൺഫറൻസ് നടക്കുന്നത്.